Danas je održana konsultativna radionica koja je jedna u nizu od ključnih okupljanja u procesu izrade Strategija valorizacije prirodnog i nematerijalnog kulturnog naslijeđa u ruralnim i manje posjećenim područjima PP “Komovi”.
Radionica ima za cilj prikupljanje mišljenja, iskustava i prijedloga ključnih aktera i mjera, kako bi se u Strategiju uključili atraktivni prirodni lokaliteti i autentični elementi kulturnog identiteta prostora Komova, i osigurala njihova održiva zaštita i promocija.
Proces izrade Strategije sprovodi se uz uvažavanje principa participativnosti, uz aktivno učešće svih zainteresovanih strana, kako bi krajnji dokument odražavao stvarne potrebe i potencijale terena.
Strategija će predstavljati osnov za definisanje konkretnih mjera očuvanja, edukacije, promocije i turističke valorizacije prirodne i nematerijalne baštine u održivi razvoj Parka prirode Komovi.
